Shqipëria po përjeton një sukses të jashtëzakonshëm nën drejtimin e Silvinjos. Përpos rezultateve, kuqezinjtë kanë mahnitur tifozët me golat spektakolarë që kanë shënuar në këto pesë përballje të kualifikueseve për Euro 2024. Mbresëlënës ishte edhe goli i fundit i Jasir Asanit. E majta e tij shtangu Poloninë mbrëmjen e 10 shtatorit, duke qenë vendimtar në fitoren e Shqipërisë.
Por goli i lojtarit nga Shkupi ka marrë edhe votat e tifozëve. Këta të fundit e kanë votuar si golin më të bukur të raundit. UEFA ka shpërndarë sot në faqen zyrtare në “Twitter” renditjen përfundimtare për golin më të bukur të raundit, të cilën e udhëheq Jasir Asani dhe e përmbyll, Joao Felix-i./Halit Delibashi-Sport Ekspres/
?? Jasir Asani’s golazo is your Goal of the Round! #EQGOTT | @AlipayPlus pic.twitter.com/i384AfXnmp
— UEFA EURO 2024 (@EURO2024) September 15, 2023