Në kampionatin portugez të futbollit (Liga NOS), takimi mes Çavez dhe Nacional është ndërprerë për tre minuta. Kjo pasi arbitri anësor i ka kërkuar kryesorit të ndalojë takimi, pasi i duhej të shkonte në banjo.
Në minutën e 57’ të takimit, anësori vrapon drejt fushës, i lë flamurin e tij kryesorit, shkon te anësori tjetër për të marrë çelësin e dhomës së arbitrave dhe vrapon drejt tunelit të stadiumit.
22 lojtarët prisnin në fushë për të rifilluar takimin, ndërsa kryesori stopoi kronometrin e tij, deri sa anësori u rikthye. Diçka shumë e rrallë, sidomos në një nga kampionatet më elitare të futbollit.