Tifo-grupi “Tifozët Kuqezi” kanë qenë shumë të zhurmshëm sot në qytetin e Shkodrës, aty ku do të luhet ndeshja mes Shqipërisë dhe Turqisë, sfida e parë e kualifikuesve të “Euro2020”. Në orën 20:45, futbollistët kuqezi do të zbresin në fushën e lojës, por atmosfera e ndeshjes ka filluar të ndihet që tani. Pas “Plisave”, radhën për të “pushtuar” Shkodrën e kanë pasur “Tifozët Kuqezi”, që me këngë dhe flakadanë kanë treguar mbështetjen e tyre ndaj kombëtares sonë. Pritet një stadium i tejmbushur në “Loro Boriçi”.