Leister ditën e sotme luajti ndeshjen e parë në shtëpi, që nga tragjedia fatkeqe e presidentit, të cilit iu rrëzua helikopteri, pasi po largohej në fundin e ndeshjes së dy javëve më parë. Një tragjedi që la një shenjë të madhe dhe te lojtarët e “dhelprave”, të cilët janë shfaqur të dëshpëruar në daljet e tyre, sidomos kapiteni Shamjkël apo Xhemi Vardi.
Përpara nisjes së takimit të sotshëm, që luhej midis vendasve të Leister dhe Bërnlejt, u mbajt një ceremoni në nder të Vichai Srivaddhanaprabhas, ku të gjithë të pranishmit në “King Power Stadium”, kryen homazhe në nder të presidentit. Gjithashtu u mbajtën dy minuta heshtje, ku njëra i përkiste “Remembrance Day” (dita kur përkujtohen ushtarët e vdekur në Luftën e parë Botërore).
Klaudio Ranieri gjithashtu ishte i pranishëm në stadium. Për sa i përket ndeshjes Leister nuk shkoi më shumë se një barazim pa gola ndaj Bërnlejt. Rastet ishin të shumta për “dhelprat”, por mungoi konkretizimi. Ndërkohë në ndeshjet e tjera, ra në sy fitorja e Njukasëll në shtëpi ndaj Bornmuth, me shifrat 2-1. Ndeshjet Sauthempton-Uotford dhe Hadërsfilld-Uest Hem, u nda në “paqe”, me ekipet që morën nga një pikë.
The King Power Stadium falls silent…
Today is Leicester’s first home game since the tragic helicopter accident which took the life of Vichai Srivaddhanaprabha with figures of recent successes returning to the stadium to pay their respects.
More: https://t.co/RfRM7midgV pic.twitter.com/XwW8TbHCSg
— Sky Sports Premier League (@SkySportsPL) November 10, 2018