Bekim Balaj duket në formë të shkëlqyer. Pas golit që shënoi ndaj Andorrës me kombëtaren tonë, duket se çdo gjë po shkon vaj për sulmuesin.
Shkodrani shënoi fillimisht javën e shkuar në ndeshjen ndaj Spartakut të Moskës dhe tashmë shënon përsëri. Goli i tretë radhazi në ndeshjen e tretë që luan për Balajn.
Pasditen e sotme, 28-vjeçari ka kontribuar në fitoren e Ahmat Groznit, në transfertë ndaj Orenburgut. Balaj shënoi golin e tretë, duke çuar shifrat në 1-3. Pas një pasimi të Ravanelit, sulmuesi u gjet i lirë në zonë dhe shënoi përballë portierit.