Që Herri Kejn është në superformë, kjo nuk përbën më lajm, por nëse shënon nga 2 gola në çdo ndeshje, atëherë anglezi mund të behët së shpejti një ndër personazhet historikë në futbollin britanik, duke thyer rekorde.
Sot Totenhemi fitoi 4-0 në Hadërsfild, me një paraqitje mbresëlënëse, duke mbyllur gjithçka në më pak se 30 minuta. Kejn dy gola, duke shkuar në 10 të tillë në 3 ndeshjet e luajtura në 8 ditët e fundit, të gjitha jashtë fushe. Totenhemi merr fitoren e gjashtë rresht, Ben Devis e Sisoko shtuan nga një gol dhe gjithçka duket perfekte për skuadrën londineze, që me sa duket kur largohet nga stadiumi “Wembley” është e pandalshme.