Adrion Pajaziti është shpallur lojtari i muajit mars në Premier League 2. Futbollisti i Kombëtares U21 ka qenë protagonist në 9 gola për Fullhemin në tre paraqitje të muajit që lamë pas. Pajaziti ka folur për faqen zyrtare të klubit, ku ka thënë se ndihet shumë i lumtur për këtë çmim, që kurorëzon gjithë mundin e kryer në fushë për ekipin U21 të Fullhemit.
“Ky çmim do të thotë shumë për mua. Është një shpërblim për punën e fortë që kemi bërë dhe paraqitjet që kemi pasur në kohët e fundit. Jam shumë i lumtur me rikthimin tim dhe me faktin që fituam tre nga tre ndeshjet e zhvilluara. Ekipi luajti mirë muajin e shkuar, shënoi shumë gola dhe jam i bekuar që u përfshiva në shumë prej golave të shënuar”, ka thënë Adrion Pajaziti./Halit Delibashi-Sport Ekspres/