Riçarlison u transferua verën e kaluar nga Uotfordi tek Evertoni dhe sezoni i parë me ekipin nga Liverpuli ka qenë fantastik. Loja e mirë e sulmuesit brazilian, i cili ka shënuar 13 gola në kampionat, ka tërhequr vëmendjen e disa klubeve të mëdha.
Sipas raportimeve të “Mirror”, ka garë treshe për shërbimet e 22-vjeçarit. Mançester Junajtid, PSG dhe Atletiko Madrid janë të interesuara për brazilianin e talentuar, ndërsa Evertoni ka bërë të qartë çmimin e kartonit të lojtarit.
Kush dëshiron Riçarlison duhet të paguajë të paktën 70 milionë sterlina. Ankandi është hapur…