Lorec Trashi është një nga lojtarët më të rëndësishëm të Partizanit, por në momente të caktuara tradhtohet dhe nga nervat. Edhen në Vlorë, gramshioti u pa tejet nervozuar që në disa momente të caktuar ishte mjaft i tensionuar. Në stadiumet shqiptare nuk mungojnë provokimet nga tifozët, por futbollistët nuk mund të reagojnë. Mëngjarashi u pa që të konfrontohej verbalist me disa tifozë në tribunën “VIP” të stadiumi “Flamurtari”.
Gjithçka nisi pas një kalimi të Torasë, çka solli entuziazëm te tifozeria vendase, e cila reagoi duke e veçuar këtë episod. Trashit nuk i pëlqeu ky moment dhe replikoi me një tifoz. E njëjta ngjarje ndodhi edhe në përfundim të ndeshjes, aq sa duhej sërish ndërhyrja e Olsi Ramës për të qetësuar situatën. Edhe në fushën e lojës nuk munguan momentet e ”xixave” me lojtarët e Flamurtarit.
Një shqetësim për Gegën, i cili ka ndërtuar me shumë kujdes një ekip me disiplinë dhe rregulla. Trashi e pësoi pak javë më parë, por ky veprim duhet t’i nxitë drejtuesit që të gjejnë një zgjidhje. Siç mësohet, problemi i vërtetë në rastin e parë të tensionit të mbrojtësit ka qenë fakti se ai nuk është graduar si zëvendëskapiten nga skuadra. Belica është përzgjedhur si lojtari i cili do të mbajë shiritin në rast se Hoxha nuk do të jetë në fushën e blertë.