Kukësi nuk mundi që kalonte ndaj Karabakut, me azerët që ishin shumë më dominues se verilindorët në ndeshjen e kthimit. Nuk pritet të jetë një situatë e mirë në kampin kuksian, pasi presidentin Gjici e donte me çdo kusht ta kalonte këtë raund, duke marrë parasysh rezultatin e sfidës së parë.
Skuadra verilindore ka qenë një ndër ekipet më aktive në merkato, duke afruar 13 futbollistë dhe natyrshëm që pritet të ketë dhe largime. “VIP Sport” raporton se do të jetë Donjet Shkodra ai që do të lërë nënkampionët e Shqipërisë me të mbaruar aventura europiane.
Shkodra nuk është aktivizuar në asnjë nga dy ndeshjet e fundit dhe mund të “divorcohet” para kohe, për t’u zhvendosur në Belgjikë, ku është dhe familja e tij. Gjithsesi, gjithçka do të zbulohet pasi Kukësi të ketë përfunduar aventurën në Europa League.
