Interi ka gabuar në momentin që më pak pritej, duke humbur mbrëmjen e sotme me rezultatin 2-1 në transfertën kundër Bolonjës. Inzagi është paraqitur përpara mediave pas përfundimit të ndeshjes, ku shpreh besimin e tij te lojtarët zikaltër, si dhe thekson faktin se në një kampionat të mbushura me surpriza gjithçka mund të ndodhi.
“Tani është e vështirë të jesh (optimist), por e di që kam një ekip me burra të mëdhenj që do të bëjnë gjithçka për ta mbyllur mirë këtë kampionat. Tani ne nuk jemi më zotër të fatit tonë. Kanë mbetur edhe katër ndeshje. Kemi parë që ishte një kampionat surprizash dhe lojëra të luajtura deri në fund. Kanë mbetur edhe 12 pikë për t’u rrëmbyer dhe gjithçka mund të ndodhë”, ka deklaruar Simone Inzagi./Halit Delibashi-Sport Ekspres/