Shqipëria U-19 është ndjekur nga një numër i madh tifozësh, po të kemi parasysh sa i paktë është interesi për kombëtaret e moshave në Shqipëri. Tribuna qendrore e “Selman Stërmasit” ishte plot dhe nuk mungonin personazhet VIP. Në tribunë u ulën edhe presidenti i Skënderbeut Ardjan Takaj, shoqëruar nga menaxheri i njohur Shkumbin Qormemeti, por edhe Lorik Cana, i cili nuk mungon asnjëherë në ndeshjet e kombëtareve. Pak më lart ishte i pranishëm edhe Armand Duka: presidenti i Federatës ndoqi në Kamzë ndeshjen e parë të grupit, mes Norvegjisë e Malit të Zi, ndërsa për pak minuta mbërriti në “Selman Stërmasi”, duke ndjekur edhe kuqezinjtë e vegjël.