Manchester Unitedi ishte e vetmja skuadër angleze që po bindte më së shumti me miqësoret e zhvilluara përpara nisjes së sezonit. Trajneri Solskjaer po u besonte lojtarëve të rinjë, ndërsa këta të fundit iu përgjigjën në mënyrën më të mirë të mundshme, duke i dhënë edhe rezultate pozitive.
Por me nisjen e kampionatit, harrohen edhe fitoret për United. Në 4 ndeshjet e zhvilluara në këtë sezon, kanë arritur të grumbullojnë vetëm 5 pikë, me një fitore, dy barazime dhe një humbje. Vetëm pak minuta më parë është mbyllur takimi ndaj Southamptonit në trasnfertë, i përfunduar në shifrat 1-1.
Autori i golit do të ishte pikërisht zbulimi i madh që u mor nga Swansea, Daniel James. Ashtu si edhe në javën e shkuar, një realizim perfekt do të vinte nga ky sulmues, megjithëse nuk mjafton për t’i dhuruar 3 pikëve “djajëve të kuq”. /Sport Ekspres/