Ndriçim Shtubina u aktivizua titullar me Laçin dhe pozicionohej në krahun e djathtë si mbrojtës. Shkodrani realizoi golin e shtatë sezonal dhe i dha pikët maksimale kurbinasve. Pas ndeshjes, në emisionin “Gol pas Goli” në Supersport, ai thekson se besonin te fitorja.
“Besonim që do reagonim pas disa ndeshjeve jo të mira. Mënyra se si shkoi loja them se e merituam fitoren. Kështu, me këtë lojë, do fitojmë. Me këtë triumf rikthehet edhe qetësia”, tha mes të tjerash Shtubina.
“Nuk ishit projektuar titullar, si u karikuat? Jam i pjekur dhe i pranoj zgjedhjet e trajnerit. Janë zgjedhjet taktike të tij, nuk qëndroj në stol për arsye forme”, u shpreh shkodrani i kurbinasve, i cili në fund foli edhe për pozicionin e tij të vështirë. “E kam të vështira ta them, pasi kam luajtur në shumë pozicione. Krahu i djathtë dhe si sulmues më pëlqen më shumë”.