Stërvitja e ditës së sotme për Kombëtaren kuq e zi ka nisur me shqetësime për trajnerin Edi Reja. Siç raporton “Supersport”, Amir Abrashi nuk është stërvitur normalisht me grupin dhe ka qëndruar i veçuar, kjo si pasojë e një dëmtimi të pësuar pasditen e djeshme.
Gjendja e mesfushorit pritet të vlerësohet përsëri. Ndërkohë për sa i përket axhendës së Kombëtares, kuqezinjtë do të kenë një tjetër seancë stërvitore pasditen e sotme në orën 17:00. Nisja për në Rejkjavik do të bëhet mëngjesin e ditës së enjte.