Shqipëria nesër luan me Skocinë dhe trajneri Kristian Panuçi ditën e sotme do të vendosë se si do ta rreshtojë skuadrën e tij. Gjatë këtyre ditëve shqetësimi kryesor ka qenë Eros Grezda. Sulmuesi anësor ka punuar i diferencuar për të mos rrezikuar.
Në seancën e djeshme në një moment ai nisi të luajë edhe me topin, teksa u pa të bëntë disa pasime të forta me trajnerin Kristian Panuçi. Sigurisht nuk është një tregues se ai do të jetë gati për ndeshjen me Skocinë, por ka shpresa që futbollisti i Rejnxhërs të jetë në dispozicion të Panuçit.
I pafat ka qenë Emanuele Ndoj. Mesfushori i Breshias dy ditë më parë punoi veçmas grupit dhe dje tentoi të stërvitej normalisht. Sërish dhimbje për të dhe tashmë ndeshja me Skocinë me shume gjasa është humbur prej mesfushorit.