Short i frikshëm në Champions, Kukësi ende në vendnumëro

0

Një rregull i pashkruar thotë që formacioni fitues nuk ndryshon, por rregullat jo gjithnjë zbatohen, aq më tepër në futboll. Disa nga lojtarët e Kukësit kanë zhvilluar një sezon fantastik dhe jo të pakta kanë qenë interesimet në drejtim të tyre. Sigurisht, pjesëmarrja në Champions League bën që aventura me verilindorët të zgjatet, por më pas gjithçka mbetet për t’u sqaruar.

Pjesës më të madhe të lojtarëve u përfundon kontrata në fund të Kupave të Europës, por ka dhe nga ata që u ka përfunduar me fundin e kampionatit. Normalisht, kontrata nuk mund të përpilohen vetëm për Kupat e Europës dhe gjithçka duhet të zgjidhet shpejt. Duke nisur që nga porta dhe deri në sulm, disa lojtarë janë në pikëpyetje. Koliçi ka oferta nga jashtë vendit, në mbrojtje disa emra janë larguar nga drejtuesit, ndërsa të tjerëve u përfundon kontrata, me përjashtim të Hallaçit dhe Rrumbullakut. Pejiç është në një moshë të madhe dhe askush nuk mund të garantojë një zgjatje dashurie me Kukësin.

Në mesfushë numri i lojtarëve që u përfundon kontrata nuk është i vogël, çka do të thotë që fytyra e Kukësit për sezonin e ardhshëm do të ndryshojë përsëri. Pretendimet madhore në kupat e Europës, me objektivin e deklaruar, grupet e Europa League, natyrshëm që krijojnë nevojën për të afruar lojtarë, që i përgjigjen nivelit të kompeticioneve ndërkombëtare. Nuk ka aspak kohë për pushim, pasi përveç faktit se aventura në Champions për kampionët nis në fillimin e korrikut, duhet të kujdeset dhe për lojtarët që dëshiron për sezonin e ardhshëm, sepse askush nuk do të refuzonte lojtarë që e mbyllën sezonin me trofeun më të rëndësishëm në vend.

Ndërkaq, klubi nuk po tregohet aktiv në treg, duke mos afruar ende asnjë lojtar dhe kjo kryesisht për faktin se presidenti Safet Gjici është duke u marrë me fushatën elektorale dhe nuk ka kohë të mjaftueshme për të qenë i pranishëm në zyrat e klubit në Tiranë.

Emra ka shumë, të ofruar nga menaxherë të huaj, por shumica janë lojtarë mediokër dhe aspak superiorë ndaj grupit që doli kampion, ndërsa emrat vërtet cilësorë kushtojnë, kanë paga mbi 15.000 euro, ndaj kampionët janë në udhëkryq.

 

Në Champions short i frikshëm, edhe Legia rival i mundshëm

Është plotësuar dje lista me kundërshtarët e mundshëm të Kukësit në Champions League. Legia e Varshavës ka kompletuar listën me 17 skuadrat e mundshme, me të cilat mund të përballet Kukësi. Nga Skocia në Islandë, një short i vështirë mund të konsiderohet për kuksianët, të cilët nuk do e kenë aspak të lehtë, sepse koeficienti i ulët i ka klasifikuar në vazon e dytë.

Skuadra                       Shteti              Koeficienti

Sëlltik                          Skoci               42.785

RB Salzburg                Austri              40.570

Kopenhagen                Danimarkë       37.800

Ludogorets                  Bullgari           34.175

Bate Borisov               Bjellorusi         29.475

Legia Varshës             Poloni              28.450

Apoel                          Qipro               26.210

Maribor                       Slloveni           21.125

Karabah                       Azerbajxhan    18.050

Malmo                         Suedi               16.945

Astana                         Kazakistan      16.800

Partizani                      Serbi                16.075

Rijeka                          Kroaci             15.550

Rosenborg                   Norvegji          12.665

Sherif Tiraspol             Moldavi           11.150

Hapoel Ber Sheva       Izrael               10.875

FH                             Islandë             6.175

 

You might also like

Leave A Reply

Your email address will not be published.