Shkëndija vijon të na bëjë krenarë me performancën e shkëlqyer në kupat e Europës. Tetovarët avancojnë në turin e tretë kualifikues të Europa League, pasi kanë arritur të marrin një barazim 1-1 në fushën e Helsingun. Edhe pse në një ndeshje të ekuilibruar, të besuarit e Qatip Osmanit kanë arritur që të bëjnë më mirë se kundërshtarët. Edhe pse ndeshja nisi keq me një autogol të Radeskit, kuqezinjtë gjetën forcat për të vendosur ekuilibrin në pjesën e dytë me atë të Çelikoviçi, i cili vulosi dhe rezultatin përfundimtar të ndeshjes. Me rezultatin e përgjithshëm 4-2, Shkëndija avancon më tej ku do të sfidojë fituesen e çiftit Trakai-Norçëping. Shkëndija nuk di të ndalet!