Barcelona ka gjetur akordin me Dani Sevajosin, shkruan gazeta katalanase “El Mundo Deportivo”. Ai do të nënshkruajë për katër sezone në “Camp Nou”, me një vit opsion shtesë. Barcelona do të paguajë klauzolën e tij prej 15 milionë eurosh, duke u përpjekur ta transferojë përpara se Real Madrid të përdorë mënyrat e veta bindëse. Interesant është fakti se mediet pranë klubit madrilen e shohin talentin e madh si një transferim të radhës në “Santiago Bernabeu”, por duket se Barcelona ka më shumë gjasa për të.