Skënderbeu u ndal në barazim në ndeshjen kundër Tiranës në shtëpi dhe nën urdhrat e trajnerit Orges Shehi nuk ishte mesfushori Bruno Dita. Momentalisht ai vijon me seancat riaftësuese dhe ende nuk dihet nëse do të jetë gati për takimin e së shtunës kundër Teutës.
Stafi teknik i bardhekuqve pret lajme nga infermieria për të, pasi bëhet fjalë për një lojtar të rëndësishëm dhe që mban peshë në formacion. Mungesa e tij u vu re edhe në ndeshjen kundër Tiranës.
Lulaj ishte ai që e zëvendësoi, por nuk zgjati shumë ndeshja për të. Këto ditë do të shihet me kujdes gjendja e Ditës, që sigurisht do të donte të ishte në fushë që këtë fundjavë.