Pas ndeshjes së fituar ndaj Barcelonës ishte ende i hapur debati nëse kartoni i kuq ndaj Ronaldos ishte vendimi i duhur nga arbitri i takimit. Kapiteni Sergio Ramos u shpreh: “Isha larg, nuk e pashë mirë aksionin. Megjithatë, besoj se ka pasur një kontakt të lehtë, që i ka prishur ekuilibrin dhe Ronaldo nuk simulon. Arbitri na la 10 minuta pa një lojtar të rëndësishëm, ndoshta klubi do të apelojë, por të shohim në vazhdim”.
Penalltia mbi Luis Suarezin ishte tjetër çështje e nxehtë: “Jemi në tension të paparë në ndeshje të tilla. Për mua nuk ishte penallti. Nuk bsoj se arbitri duhet të fishkëllejë, nëse nuk ka parë asgjë, ndaj shpresoj ta ketë parë mirë. Gjithsesi, për mua nuk pati asnjë kontakt”.