Mbrojtësi i Totenhemi dhe një nga lojtarët më të mirë të ndeshjes, Deni Rouz, foli për BT Sport pas ndeshjes së çmendur përballë Ajaksit, ku u shpreh: “Pamë Liverpulin mbrëmë dhe ishte një inspirim për ne.”
“Ishim të zhgënjyer pas ndeshjes së parë, e nisëm ndeshjen shumë keq. Edhe sot, bëmë një nisje të ngadaltë, por pas pushimit mes pjesëve, u futëm në fushë me një mentalitet tjetër. Trajneri na e përmendi ndeshjen e Liverpulit që para fillimit të sfidës. Ai nuk e ka problem të humbasim, por duhet të humbasim në mënyrën e duhur, jo pa luftuar.
“Jemi me fat që kemi arritur finalen dhe tani, po e presim me padurim”, u shpreh anglezi.