Një sezon i dështuar mund të konsiderohet ky i sivjetshmi për Realin e Madridit. Skuadra spanjolle deri më tani ka humbur plot 15 ndeshje, duke rrezikuar të arrijnë rekordin negativ të sezonit 1984-1985. Asokohe Reali regjistronte plot 19 humbje dhe deri në fund të këtij kampionati skuadra e drejtuar nga Zinedin Zidan ka në program edhe tetë ndeshje të tjera.
Humbjen e fundit Realit ia shkaktoi Valencia. Gjatë këtij sezoni madrilenët numërojnë nëntë humbje në La Liga, dy i kanë pësuar në Kupë, një në Super Kupën e Europës dhe tre në Champions League. Me ecurinë deritanishme Reali renditet në vendin e tretë në kampionat, me pesë pikë më pak se Atletiko e Madridit që ndodhet mbi ta.
