Ekipi vlonjat do të ketë mbështetjen e grupimit “Flota Kuq e zi”, por edhe të gjithë sportdashësve që do të udhëtojnë drejt Korçës me autobusët e vënë nga klubi, apo edhe shumë të tjerëve që pritet të udhëtojnë me mjetet e tyre private. Grupimi “Flota Kuq e zi” ka konfirmuar tashmë praninë në Korçë: “Sezoni i ri 2017-2018 na thërret për Flamurtarin tonë. Sezoni ri na thërret për transfertën e Korçës kundër Skënderbeut. Flota udhëton drejt Korçës ditën e shtunë. Mblidhemi te pallati i sportit ora 11:30 dhe nisja drejt Korçës bëhet në orën 12:00. Autobusët falas. Së bashku t’iu këndojmë këngën, së bashku për Flamurtarin”.