Milani po përgatitet për edicionin e ri futbollistik. Pas zhvillimeve të fundit në radhët e drejtuesve, por dhe “betejës” së fituar me UEFA-n, kuqezinjtë po ndërtojnë një skuadër sa më dinjitoze.
Bonuçi është gati i larguar nga Milano dhe menjëherë po shikohen të gjitha alternativat e mundshme. Së fundmi ka dalë një emër i ri, i cili shihet si një mundësi për të pasura kapitnin në mbrojtje.
Bëhet fjalë për danezin Simon Kjar. 29-vjeçari aktivizohet në radhët e Seviljas, ndërsa në të shkuarën është aktivizuar në Seria A me Romën dhe Palermon. Danezi do të ishte i gatshëm për t’u rikthyer në Itali, por problem është kontrata e cila skadon në vitin 2021. Në të tilla kushte Milani duhet t’i bëjë mirë llogaritë, por pavarësisht kësaj është si opsion i mundshëm një transferim te kuqezinjtë.