Kombëtarja U21 e Shqipërisë ka shpallur listën e lojtarëve të grumbulluar për dy takimet e muajit qershor, ndëra ndër rreshta spikat edhe emri i portierit Vokli Laroshi. Gardiani 19-vjeçar është i vetmi futbollist që përfaqëson Kategorinë e Parë në listën e Shpresave. Portieri i Turbinës po gëzon një formë të mirë dhe kjo nuk është hera e parë që në adresë të tij mbërrin ftesa e Alban Bushit.
Një tregues kjo se gjithçka është e mundur. Kombëtarja i ka dyert e hapura për të gjithë, pavarësisht kampionatit në të cilin luan. Trajneri Bushi ka shfaqur gjithnjë besimin e tij edhe për futbollistët që aktivizohen në kampionatin shqiptar dhe Kategoria e Parë nuk është jashtë rrezes së shikimit të tij./Halit Delibashi-Sport Ekspres/