Në Europë janë duke u luajtur ndeshjet e fundit të kampionateve të futbollit. Skuadrat kanë ende shanset e tyre për të përmbushur objektivate vendosura fillimisht nga klubi. E tillë është edhe Ajaccio, që luan ndeshjen e fundit të kampionatit kundër Toulouse-s. Ekipi ku luan Qazim Laçi është vetëm 90 minuta larg Ligue 1 dhe gjithçka varet mbrëmjen e sotme. Një fitore përkthehet në një biletë për në elitë për sezonin e ardhshëm, në të kundërt rrezikon të shkojë në fazën “play off“.
Por Qazim Laçi nuk do të jetë i vetmi shqiptar që do të zbresë në fushë ditën e sotme. Në Itali Bajrami dhe Asllani pritet të luajnë titullarë kundër Salernitanës. Gjithashtu shqiptarë të tjerë që do të kenë minutat e tyre në Serie A janë Berishadhe Vojvoda me Torinon, Manaj me Spezia-n, apo dhe Marash Kumbulla me Venezia-n./Halit Delibashi-Sport Ekspres/
Ndeshjet e legjionarëve shqiptarë:
Serie A
15:00 Empoli – Salernitana
18:00 Hellas Verona – Torino
18:00 Udinese – Spezia
20:45 Roma – Venezia
Ligue 1
21:00 Nice – Lille
21:00 Strasbourg – Clermont Foot 63
21:00 Saint-Etienne – Stade de Reims
Ligue 2
19:00 Ajaccio – Toulouse
Bundesliga e Austrisë
17:00 Tirol – Hartberg