Kristiano Ronaldo po lufton me kohën për t’u rikuperuar. Portugezi shpreson të jetë i gatshëm për ndeshjen kundër Ajaksit. Sfida e parë e çerekfinaleve të Champions Ligës zhvillohet në Amsterdam, të mërkurën e ardhshme me 10 prill.
Shpresa e drejtuesve dhe e gjithë tifozëve është rritur pas postimit të fundit të Ronaldos në rrjetet sociale. 34-vjeçari ka treguar muskujt në një foto bardhezi, ndërsa fjalët e zgjedhura nuk kanë nevojë për koment.
“Nuk nevojitet asnjë fjalë”, shkruan CR7, duke rritur optimizmin për rikthimin e tij. Nëse nuk ia del, Ronaldo do të jetë i gatshëm për ndeshjen e kthimit në Torino, që zhvillohet me datë 16 prill.