Pas 4 vitesh te Partizani, Mentor Mazrekaj është praktikisht i larguar, sepse e presin te Prishtina dhe marrëveshja mund të mbyllet që sot. Gazeta Olle raporton se mesfushori ka mbyllur gjithçka me Prishtinën dhe zyrtarizimi pritet të ndodhë brenda javës.
Mazrekaj ka cilësi të jashtëzakonshme si futbollist, por gjatë viteve të fundit ka pasur probleme fizike dhe nuk ka qenë gjithnjë titullar te Partizani pikërisht për këtë arsye. Te Partizani prej vitit 2013, 28-vjeçari ka luajtur 102 ndeshje me fanellën e kuqe, duke shënuar 13 gola.