Në Vlorë kanë kohë të lirë mjaftueshëm dhe duke qenë se prej muajsh futbollistët nuk paguhen, rrjetet sociale janë “arena” ku kuqezinjtë shpesh lëshohen me postime e komente. Këtë herë gjithçka ka nisur pas një fotografie të postuar nga Ardit Hoxhaj.
Sulmuesi vlonjat, i cili u largua nga Skënderbeu në muajin shkurt, momentalisht ndodhet në vendlindje dhe ka postuar në llogarinë e tij në “Facebook” një foto me fanellën e Flamurtarit. Komentet kanë qenë të shumta, me Ditmar Bicajn që ngacmon. Lojës së komenteve i është bashkuar edhe Emiljano Musta dhe batutat nuk mungojnë.
