Është hedhur sot shorti për 1/16-at e Ligës së Europës. Debutojnë në këtë tur Astana, Nica, Östersund dhe RB Lajpcig.
Nga Liga e Kampioneve kanë ardhur edhe 3 fitues të mëparshëm të Europa League, CSKA Moska, Atlétiko Madrid e Napoli.
Milani ka “peshkuar” Ludogorecin, kampion dhe dominues i futbollit bullgar këto vitet e fundit, që shkëlqeu në grupin e vet këtë sezon në Europa League, duke lënë pas Bashakshehirin dhe Hofenhajmin.
Short i pafat për futbollistët shqiptarë, sepse Etrit Berisha me Atalantën do të përballet me Dortmundin, ndërsa Napoli i Hysajt do të ndeshet me RB Lajpcigun nënkampion i Gjermanisë. Më e lehtë për Lacion e Strakoshës, që do të ndeshet me Steauan.
