Gentian Mezani ka pranuar të drejtojë Luftëtarin, ndërkohë që kërkon që të ketë stafin e tij në Gjirokastër. Kështu ai ka kërkuar që Franko Paskualetin të jetë krahu i tij i djathtë gjatë eksperiencës me bluzinjtë.
Italiani ka një eksperiencë të gjatë në punën me të rinjtë, si dhe ka qenë ndihmëstrajner në disa ekipe, ndër të të tjera me Chennaiyin FC në Indi, si ndihmës i ish-kampionit të botës, Marko Materaci.
Paskualeti ka qenë analist i paraqitjes së futbollistëve në krah të ish-mbrojtësit të Interit dhe Italisë, ndërkohë që për disa muaj bashkëpunoi me Mezanin edhe te Laçi. Tanimë vlonjati e do italianin edhe te Luftëtari.