Nedim Bajrami e ka ngritur nivelin e lojës me ngritjen e nivelit të kundërshtarit. Pas disa ndeshjeve miqësore me rivalë të dobët, Sasuolo kishte proën e parë të vërtetë kundër Wolfsburg para sezonit të ri.
Miqësorja është mbyllur në shifrat 1-1. Nedim Bajrami arriti të shënonte në fund të pjesës së parë teksa nisi me kryesimin e topit nga 30 metra dhe më pas shënoi një gol klasi. Në mediat italiane performanca e mesfushorit shqiptar është vlerësuar në maksimum: “I shkëlqyer, ishte fantazia e Sasuolos”, shkruhet në disa prej mediave italiane. /Elio Hajdari-Sport Ekspres/