Llullaku i dëshiruar në merkato, i del emri në Turqi

0

Azdren Llullaku është pjesë e Astra në Rumani dhe ky sezon po shkon mirë për sulmuesin shqiptar, pasi ka arritur të shënojë pesë herë për skuadrën e tij. Nisur nga shifrat e regjistruara, kanë nisur të qarkullojnë edhe zërat e parë të merkatos.

“Yeniasir.com.tr”, raporton se Altaj në ligën e parë turke i ka hedhur sytë nga sulmuesi anësor i kombëtares sonë. Rreziku për të rënë në ligën e dytë i ka bërë drejtuesit që të shohin për lojtarë cilësorë në merkato.

Ndër objektivat e tyre është edhe Azdren Llullaku dhe fjalën e fundit do ta thotë stafi teknik. Gjithsesi, edhe nëse jepet “OK” nga trajneri, do të duhet të paguhet për kartonin e sulmuesit tek Astra.  Për vetë Llullakun nuk është ndonjë hap përpara kalimi në ligën e parë turke, madje në një ekip që rrezikon edhe rënien nga kjo ligë. Po të ishte për ndonjë klub të Superligës turke, atëherë situata do të ishte ndryshe.

You might also like
Leave A Reply

Your email address will not be published.