Zyrtare: Flamurtari, edhe dy vite “turk”

0

Këshilli i Bashkise së Vlorës miraton me unanimitet zgjatjen edhe me dy vjet të administrimit të klubit të futbollit Flamurtari nga dy kompanitë turke dhe zoti Sinan Idrizi. Në mbledhjen e sotme këshilli i bashkisë ka vendosur që klubi të vijojë të administrohet nga kompanitë turke, ndërsa mbetet ende çështje privatizimi i i kërkuar me ngulm nga Idrizi.

Vetë ky i fundit në një deklaratë për mediat  pas mbledhjes së Këshillit të Bashkisë ka theksuar se ndërsa falënderon këshilltaret për unanimitetin, sërish duhet që të vendoset për privatizimin, pasi vetëm kjo do të jepte një zgjidhje për futbollin dhe projektin ‘Vlora Sport’ në Vlorë.

Idrizi ka ngritur edhe çështjen e borxheve të vjetra të klubit, edhe pse këtë nuk e ka bërë  publike në Këshillin e Bashkisë, por shume shpejt do ta bëjë publike. “Ne jemi nje bankomat i prishur, por zgjidhja mbetet privatizimi”, shprehet administratori i Flamurtarit.

Pavarësisht vendimit për administrim, problem mbetet privatizimi, pasi Idrizi kërkon pikërisht këtë gjë prej katër vitesh, por sërish nuk ka një zgjidhje, çka pengon investimet në Vlore në të gjitha sportet.

You might also like
Leave A Reply

Your email address will not be published.