Laçi fiton thellësisht 5-0 në Kuçovë ndaj Naftëtarit, duke siguruar kualifikimin që në ndeshjen e parë. Nuk pati surpriza,ku laçianët edhe pse me shumë mungesa, kju binte në sy se nuk ishte as trajneri Mërgjyshi (drejtonte Migen Memelli), diktuan në fushën e lojës.
Në fakt, përballë kishin një Naftëtar në moshë të re, me moshë mesatare 19-20 vjeç, që nuk ishte në gjendje të përballonte Laçin dhe është një sinjal tepër shqetësues, sepse në fundjavë nis Kategoria e Dytë.
Pesë gola, me lojtarë që shënojnë për herë të parë me fanellën e Laçit, ndërsa bie në sy goli që në debutim me fanellën bardhezi për Elvi Berishën, i kthyer në Shqipëri pas një periudhe në Spanjë, te Leganes. Debutim me fitore edhe për Migen Memellin, që për një ndeshje u bë trajner i parë i Laçit.
Kupa e Shqipërisë / Turi 1, vajtje
NAFTËTARI – LACI 0-5
Shënues: Toro 26’, Mersinaj 31′, 82′ ,Smaçi 65′, Berisha 89′
Naftëtari: Sinjari, Haxhiu, Gjolikaj (D.Zhuka 46′), Marini, Cërriku, Koxhaj, Kallmi, Korkuta (K.Zhuka 59′), Qose, Serdari, Koço (Cerova 62′)
Tr.: Barjam Fraholli
Laçi: Hasanbelli (Hoxhaj 67′), Mersinaj, Toro, Prenga, Hadroj, Dragoj, Smaçi, Fangaj (Nikolla 61′), Bushi, Galiç (Deliaj 27′), Berisha
Tr.: Migen Memelli
Karton i verdhë: Koxhaj 68′
Gjyqtarë: S.Bebja, A.Koçia, M.Shazivari (Tiranë)