Kur Tirana dështonte në Izrael dhe humbiste shansin Barcelona

0

22 vite më parë dy disfata kundër Hapoel Beer Sheva-s. Në turin pasardhës do luante me gjigantët spanjollë

Në verën e vitit 1995, Hapoel Beer Sheva ishte një skuadër modeste nga Izraeli dhe në përgjithësi kampionati i këtij vendi ishte aq i nënvlerësuar, sa kampionia e Shqipërisë, Tirana, u gëzua kur mësoi se shorti e vuri përballë saj në Kupën e Kampioneve. Më shumë se sa Ber Sheva, intrigonte ndjeshëm turi pasardhës. Fituesja e këtij çifti do luante kundër Barcelonës. Jo keq, sidomos asokohe flitej që e ardhura televizive do ishte një shifër fantastike. Tirana dështoi ta kalojë turin. Në kryeqytet zhvilloi një ndeshje shumë të mirë, por miqtë shënuan që në minutën e parë dhe ditën ta mbanin rezultatin deri në fund. Në ndeshjen e kthimit, në Izrael, vendasit fituan gjithashtu 2-0.

Në turin e dytë Beer Sheva i humbi të dyja ndeshjet me rezultatin 7-0. Barcelona do ishte shumë e fortë edhe për shqiptarët, gjithsesi.

Sot gjërat kanë ndryshuar. Beer Sheva është një skuadër me impakt të jashtëzakonshëm në kupat e Europës, ndërsa Tirana kishte 5 vite që nuk merrte pjesë në Europa League apo Champions League. Makabi Tel Aviv është sërish një rival izraelit. Këtë radhë, në letër, kundërshtarët janë dukshëm të favorizuar.

You might also like
Leave A Reply

Your email address will not be published.