Kukësi ka mësuar sot rivalin e mundshëm në turin e tretë kualifikues në Ligën e Kampioneve, gjithnjë nëse kalon Sherifin e Tiraspolit.
Kampionët e Shqipërisë do të përballen me Karabakun e Ansi Agollit.
Ndeshja e vajtjes do të luhet në Azerbajxhan.
Legia e Armando Sadikut do të përballet në turin e ardhshëm me FC Astanan e Kazakistanit, favorite e madhe për të kaluar turin kundër Spartaks Jurmalas, pas fitores 1-0 jashtë fushe.
Supersfidë ajo mes Nicës dhe Ajaksit, por me interes të madh pritet edhe derbi Partizan i Beogradit-Olimpiakos, nëse serbvt kalojnë një tjetër fqinj, Buduçnostin e Podgoricës.
Ndeshjet e vajtjes do të luhen në 25/26 korrik dhe të kthimit në 1/2 gusht.
