Kombëtarja më absurde në botë, Danimarka humbet me nder në Sllovaki

0

Si mund të kalosh nga Kristian Eriksen me shokë tek disa futbollistë të kategorisë së tretë, futbollistë kalçetoje, mekanikë, punëtorë ndërtimi e peshkatarë? E thjeshtë, kur asnjë futbollist profesionist nuk pranon të luajë, detyrohesh të kapesh këdo që të del përpara dhe e hedh në fushë, për të shmangur dënimin nga FIFA e UEFA.

Këtë bëri mbrëmë Danimarka, duke luajtur një miqësore në Sllovaki, ku natyrisht vëmendja ishte e madhe thjesht për faktin se në fushë zbrisnin disa që fanellën e kombëtares e shumta e kanë veshur për qejf, duke luajtur me shokët.

Gjithsesi, në Tërnava nuk përfundoi me turp, sepse Danimarka u mund vetëm 3-0. Nemec e Rusnak në pjesën e parë dhe një autogol nga Fogt në fund të ndeshjes shënuan golat e miqësores komike.

Një farsë, siç tha legjenda e Danimarkës Morten Olsen, sepse Danimarka dhe lojtarët mund të gjenin një zgjidhje për paratë e shfrytëzimit të imazhit të skuadrës.

Ndërkaq, në Sllovaki biletat e ndeshjes u shitën me 1 euro, pasi natyrisht askush nuk e kishte me qejf të shihte futboll komik, ndërsa Danimarka ka premtuar se do ta dëmshpërblejë Sllovakinë.

You might also like
Leave A Reply

Your email address will not be published.