Xhastin Klajvert Jr luan te skuadra e Romës që prej verës së shkuar, ku është aktivizuar në 12 ndeshje në Seria A dhe ka realizuar edhe një gol. Holandezi natyrshëm që ka një rrugë të gjatë para, pasi i duhet që të ecë në gjurmët e babait të tij.
Pas ndeshjes së djeshme me Parmën, Klaivert Hr ka komentuar këtë gjysmë të parë të kampionatit, duke veçuar se ai është i lumtur që ka zgjedhur skuadrën e Romës, por beson se në pjesën e mbetur të kampionatit do të bëjë akoma dhe më mirë.
Rëndësi ka që skuadra arriti që të fitonte. Jam i lumtur për fitoren por edhe për faktin se munda që ta ndihmoj skuadrën time. Kanë qenë 6 muaj që unë do t’i konsideroja të suksesshëm dhe jam i kënaqur. Po rritem dhe kam bërë disa hapa para, çka është pozitive, pasi dihet se Seria A nuk është një kampionat i lehtë. Këtu duhet të luftojmë shumë në çdo ndeshje nëse duam që të marrim pikët e plota. Ndeshjet janë të vështira, sidomos në transferta, madje edhe kur luan ndaj skuadrave që janë në gjysmën e poshtme të tabelës. Më është dashur pak kohë që të përshahem, por jam i bindur që ka qenë zgjedhja e duhur., kam besim se në pjesën e mbetur të kampionatit mund të bëj akoma dhe më mirë.