Në Krujë nuk kanë nisur ende punimet në stadium, çka ka bërë që krutanët të kërkojnë një tjetër zgjidhje. Mësohet se Kastrioti ndeshjet si pritës do t’i zhvillojë në stadiumin “Redi Maloku” të Fushë-Krujës. Fusha e këtij stadiumi është në gjendje mjaft të mirë, por duhen bërë sërish disa ndërhyrje.
FSHF, përmes Komisionit të Licencimit, ka dhënë “OK”-in që krutanët të luajnë në Fushë-Krujë, por sërish janë lënë disa detyra, që do të plotësohen nga drejtuesit e Kastriotit. Kështu, çështja e stadiumit duket e zgjidhur për krutanët, që tani po punojnë të përforcohen në merkato.
Deri më tani kanë bërë disa afrime, por trajneri Plori pret edhe të tjera lëvizje, në mënyrë që skuadra e tij të jetë e plotë dhe konkurruese në Superiore. Objektivi është qëndrimi në Superiore dhe do bëhet maksimumi të arrihet diçka e tillë.