Gjatë javëve të fundit mediet italiane kanë raportuar se Antonio Kasano do rikthehet të luajë futboll pas një pushimi gati 2-vjeçar. Por, duket se lojtari ka ndërruar mendje, pasi e ka kuptuar se në moshën 36-vjeçare, koha e tij si futbollist profesionist ka perënduar.
Këtë gjë e konfirmon dhe lëvizja e tij më e fundit, pasi italiani është regjistruar në kursin e trajningut në qendrën me famë botërore të Koverçianos.
Kasano është pjesë e një grupi prej 44 kursantësh, ku bëjnë pjesë dhe kolegë të vjetër tij si portieri De Sanktis, mbrojtësi Zakardo dhe djali i Roberto Mançinit, Andrea.