Periudhë ters te Juventusi, sepse para pak ditësh u dëmtua Leonardo Bonuçi dhe sot e pati radhën kapiteni Kielini, i cili doli që në mesin e pjesës së parë në humbjen 3-0 pësuar në kupë ndaj Atalantës.
Një tjetër problem muskulor për Kielinin, i cili në pulpë ka pasur shpesh probleme dhe është në një moshë ku nuk mund të sforcohet shumë.
Për këtë arsye, drejtuesit e Juventusit do të rinisin sulmin për qendërmbrojtësin veteran të Parmës, Bruno Alvesh.
Portugezi është lojtar me shumë eksperiencë dhe nuk ka probleme fizike, ndaj Juve do të mundohet ta mbyllë transferimin e tij nesër, sepse nuk ka kohë që të presë kontrollet mjekësore të Kielinit, aq më shumë që është larguar edhe Benatia.
