Partizani do të prezantojë nesër trajnerin e ri, italianin Mark Juliano, por ndërkohë Luçiano Moxhi dhe drejtuesit e Partizanit kanë mbyllur edhe afrimet e 3 lojtarëve.
Dy prej tyre janë italianë. I pari është mesfushori qendror Xhovani La Kamera, mesfushor 33-vjeçar, me eksperiencë të jashtëzakonshme mes Lega Pro dhe Serisë B, ndërsa sezonin e fundit ishte titullar fiks te Lupa Roma në Lega Pro.
I dyti është Andrea Selvaxhio, mbrojtës krah, 21 vjeç, titullar në Lega Pro te Racing Roma sezonin e fundit.
Ndërkaq, përforcimi i tretë është shqiptar, mesfushori Romeo Shahinas, anëtar i Shqipërisë U-17. Mesfushori 21-vjeçar ka luajtur sezonin e fundit te Racing Roma.
