Ajaccio ka marrë një fitore mjaft të rëndësishme mbrëmjen e sotme. Ekipi nga Korsika ka mposhtur me rezultatin 2-1 Le Havre-n, duke ruajtur kështu diferencën me tre pikë me vendin e trete, Auxerre-n. Titullar nga minuta e parë ka qenë edhe Qazim Laçi, i cili ka dhënë një kontribut mjaft të rëndësishëm për ekipin e tij këtë sezon.
I djersitur dhe me shpirt luani, kështu e lë fushën futbollisti i Kombëtares kuqezi, që nuk i kursen aspak energjitë e tij gjatë ndeshjes. Me këtë fitore të arritur, Ajaccio është vetëm 180 minuta larg Ligue 1, duke mbetur edhe dy “finale” deri në mbyllje të kampionatit./Halit Delibashi-Sport Ekspres/