Elseid Hysaj dhe Mario Rui prej kohësh “shqetësohen” prej zërave të merkatos dhe së fundmi emrat e të dy lojtarëve lidhen me dy klube jashtë Italisë. Corriere dello Sport raporton se për të dy lojtarët, të cilët menaxhohen nga Mario Xhufredi, ka interesim nga Zeniti dhe Shalke 04.
Gjithçka është në hapat e parë dhe në të dy klubet po i trajtojnë këto dy opsione, ndërkohë që mbetet për t’u parë nëse do t;i drejtohen klubit të Napolit me oferta zyrtare. Gjatë kësaj vere, por edhe në dritaret e tjera të transferimeve, zëra ka pasur shumë.
Atletiko Madrid vazhdon të flitet si kandidaturë për të blerë Hysajn, i cili momentalisht është me pushime dhe në fakt prej kohësh e ka shprehur se dëshiron një eksperiencë të re. Gjithsesi, 50 milionë eurot e klauzolës janë një pengesë. Më shumë se 25 milionë euro nuk paguan asnjë klub, duke parë sezonin e fundit të Hysajt.