San Hoze Ërthkuejks është ende në garë për një vend në fazën play-off të kampionatit amerikan, pas fitores 2-1 arritur mbrëmë ndaj Portland Timbers, skuadër që mban vendin e dytë në Konferencën e Perëndimit, ndaj për San Hozenë është një fitore me vlerë të madhe.
Hyka, ose “Hykaçu” si e quajnë tifozët me përkëdheli, e nisi nga minuta e parë dhe dhuroi spektakël, duke krijuar golin e avantazhit, në minutën e 16-të nga Kazaishvili, dhe duke goditur edhe një shtyllë me një kthesë të bukur nga jashtë zone në pjesën e dytë.
Portland shkurtoi në minutën e 87-të, vetëm 2 minuta pasi doli Hyka, por nuk pati më gola.
Fitorja barazon San Hozenë me Real Solt Lejk në vendin e gjashtë, që shkon në play-off, ndaj në dy betejat e mbetura fitoret janë detyrim, për t’ia dalë mbanë.
Një paraqitje e shkëlqyer e Hykës, një ndër 3 më të mirët në fushë sipas votimit të tifozëve, që pas ndeshjes e kanë duartrokitur gjatë.
Think @SanJoseUltras appreciate #Hykachu? ?#ForwardAsOne pic.twitter.com/gpObPNK2Cb
— San Jose Earthquakes (@SJEarthquakes) October 1, 2017