Olimpiku i Lionit ka bërë një goditje të rëndësishme në mbrojtje, sepse ka blerë nga Mançester Siti mbrojtësin Xhejson Denajer, i cili ka firmosur kontratë 4-vjeçare.
Qendërmbrojtësi belg, i cili ka luajtur 8 herë me kombëtaren e vendit të vet, transferohet te Lioni për 10 milionë euro, duke përfshirë 3.5 milionë në bonuse.
23-vjeçari ka qenë pjesë e Mançester Sitit për gjithë karrierën si profesionist, por nuk ka luajtur asnjë ndeshje zyrtare me Qytetarët.
Huazim te Seltiku në 2014/15, më pas te Gallatasaraj, Sandërlend dhe sërish Gallatasaraj sezonin e fundit. Gjithnjë titullar, por jo aq i mirë sa për të qëndruar tek Siti, që e ka shitur përfundimisht.
? Jason Denayer s’engage pour 4 ans ! https://t.co/3wLfMLvPHw
— Olympique Lyonnais (@OL) August 21, 2018