Hamilton gati të investojë te Chelsea, Vestappen i çuditur: Të jesh tifoz i Arsenalit dhe të blesh Chelsean…

0

Chelsa është në kërkim të një pronari të ri dhe së fundmi janë lakuar emrat e Lewis Hamilton dhe Serena Williams si të interesuar për të investuar në aksionet e bluve të Londrës. Piloti i Formula 1 është i gatshëm të blejë një përqindje të vogël të Chelsea-t dhe kjo ka habitur dis Max Verstappen-in. Rivali i Hamiltonit në pistë ka shprehur çudinë e tij se si një tifoz i Arsenalit si piloti britanik, do të donte të investonte në aksionet e Chelsea-t.

“Mendova se ishte tifoz i Arsenalit. Dhe nëse je një tifoz i Arsenalit dhe shkon të blesh Chelsea-n, kjo është shumë interesante. Unë jam një tifoz i PSV-së dhe kurrë nuk do ta blija Ajax-in. Nëse do të blija një klub futbolli, do të doja të isha pronar i plotë dhe të merrja vetë vendime, jo thjesht një përqindje të vogël. Por të gjithë bëjnë çfarë të duan me paratë e tyre, kështu që le të shohim çfarë do të ndodhë”, ka thënë Max Verstappen./Halit Delibashi-Sport Ekspres/

You might also like
Leave A Reply

Your email address will not be published.