Granit Xhaka është i fokusuar tek nisja e kampionatit me Arsenalin. Topçinjtë e nisin menjëherë me një sfidë të vështirë, pasi do të ndeshen me kampionët në fuqi të Mançester Sitit.
Mesfushori me origjinë shqiptare, por që luan për Kombëtaren e Zvicrës është bërë mjaft i rëndësishëm në Angli dhe trajneri Unai Emeri e konsideron një kandidat për kapiten.
Normalisht që kapiteni i parë është Loront Kosielni, por nuk është pak për Xhakën që të jetë zëvendëskapiten në një skuadër si Arsenali. Veç shqiptarit në listën e zëvendëskapitenëve janë dhe Petër Çeh, Aron Ramsei dhe Mesut Ozil.